ჩემი მეგობრის, ირაკლი ლაითაძეს მორიგი წიგნი "თანამედროვეობის ილუზიები" გახდა ჩემი დღევანდელი საავტორო ეპილოგის ინსპირაციაც და შთაგონებაც, მადლობა ირაკლის რომ აგრძელებს წერას საზოგადოებისთვის. დაახლოებით საუკუნის წინ იმპერატორი მარკუს ავრელიუსმა ბრძანა, რასაც მე-20 საუკუნეში გაიმეორებს, ავსტრიელი ფილოსოფოსი და ფსიქიატრი, თავად ფაშისტური გერმანიის მოწყობილი ოსვენციმის საკონცენტრაციო ბანაკის ყოფილი პატიმარი, ვიქტორ ფრანკლი: ადამიანს შეგიძლია წაართვა ყველაფერი, მათ შორის იმედიც კი, მაგრამ, ვერავინ და ვერასდროს წაართმევს ადამიანს არჩევანს, თუ როგორ შეხვდება ის უბედურებას, რადგან ეს არის ადამიანის უკანასკნელი მაგრამ მაინც თავისუფლება. #ახალიამბები #BusinessMediaGeorgia
მსოფლიოს ისტორია არა მხოლოდ გამოჩენილ გამოგონებებსა და მათ ავტორებს აღრიცხავს, არამედ გვიყვება მათზედაც, ვინც საკუთარი გამოგონებების ტყვეც და საჯარო კრიტიკოსი გახდა. როგორც წესი, ინოვაცია, მეცნიერული მიღწევები და ახალი ტექნოლოგია, არასოდეს არის წინასწარვე გათვლილი კაცობრიობის დასაზიანებლად, თუმცა პროცესი ზოგჯერ სხვაგვარ შედეგებსაც დებს და მათ ავტორებს ხშირად სანანებლადაც კი გაუხდათ საქმე. საუბარია ისეთ გამოგონებებზეც, რომლებმაც მსოფლიო დანამდვილებით შეცვალეს. მაშ ასე, ვინ არიან მსოფლიოს ის მეცნიერები, გამომგონებლები და მოაზროვნეები, რომელთა მიგნებამ, აღმოჩენამ თუ პროექტმა ერთის მხრივ სამყაროს განვითარება შეცვალა, თუმცა მათმა ავტორებმა არაერთხელ და საჯაროდ ინანეს მათი შექმნილ-აშენებულის გამო. #ახალიამბები #BusinessMediaGeorgia
რამდენიმე წლის წინ, ერთ ძალიან საინტერესო წამოწყებას ჩაეყარა საფუძველი. საუბარია MyMakulatura.ge-ზე, რომლის იდეა და საქმიანობაც საკმაოდ მასშტაბურ მიზნებს ემსახურება. ეს არის კომპანია, რომელიც საქართველოს მასშტაბით, კომპანიებისა თუ ფიზიკური პირებისგან მაკულატურას იბარებს, შემდგომ კი რამდენიმე საწარმოს ამარაგებს. მაკულატურის შემგროვებელი კომპანია საკმაოდ დიდ მასშტაბებზე გადის, რადგან დღეს MyMakulatura.ge-ს საქმიანობის შესახებ თითქმის ყველამ იცის. მეტიც, მათ შეძლეს და ქვეყანაში ქაღალდის შეგროვების და მხოლოდ გადამუშავების, არა - განადგურების - კულტურა დანერგეს. მეგობრების მიერ შექმნილი საიტიც საკმაოდ მოქნილია, შეგროვება - ჩაბარების ჯაჭვიც გამართული და სრულად მომხმარებლის კომფორტზე ორიენტირებული. არაერთ გეგმასთან ერთად, ერთი ყველაზე მნიშვნელოვნად ესახებათ. მალე, კომპანიაში ჩაბარებული მაკულატურიდან მიღებული თანხის რამდენიმე თეთრი ონკოლოგიური პაციენტების დახმარებას მოხმარდება. ➡️ამირან ცირდავა - MyMakulatura.ge, დამფუძნებელი; #ახალიამბები #BusinessMediaGeorgia
ნიუ-იორკის ნაფიც მსაჯულთა სასამართლომ აშშ-ის ყოფილი პრეზიდენტი, დონალდ ტრამპი, დამნაშავედ 34 ბრალდებაში ცნო, რომლებიც ჩანაწერების გაყალბებას და პორნოვარსკვლავ, სტორმი დანიელსის გაჩუმებისთვის ფულის გადახდას უკავშირდება. ტრამპის საქმესთან დაკავშირებით საბოლოო განაჩენს მოსამართლე 11 ივლისს გამოიტანს, მანამდე ის თავისუფალი იქნება. ეს არის აშშ-ის ისტორიაში პირველი შემთხვევა, როცა ქვეყნის პრეზიდენტი სასამართლომ დამნაშავედ ცნო. #ახალიამბები #BusinessMediaGeorgia
წარმოგიდგენთ ინტერვიუს, უზბეკეთის IT პარკის გენერალურ დირექტორთან, ფარხად იბრაგიმოვთან, რომელმაც გააჟღერა ყველა ის უპირატესობა, რითაც IT კომპანიები უზბეკეთში სარგებლობენ, საინტერესო და გასათვალისწინებელი აქცენტებით. ის წარმოადგენს ქვეყანას, რომელსაც კომპლექსური ეკონომიკური ზრდის გამორჩეულად პოზიტიური მაჩვენებლების აქვს მსოფლიოში, რითაც არაერთი ქვეყნის ინვესტორთან ინტერესს იმსახურებს. ➡️ფარხად იბრაგიმოვი - უზბეკეთის IT Park, გენერალური დირექტორი; ➡️გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
გასულ კვირაში TBC მხარდაჭერით თბილისში, უზბეკეთის აუთსორსინგის კონფერენცია ჩატარდა, რომელიც საქართველოსა და უზბეკეთს შორის არსებული კავშირის შედეგია. კონფერენციამ ერთგვარი პლატფორმის როლი შეასრულა დამსწრე ბიზნესებისთვის პოტენციური პარტნიორების აღმოსაჩენად და სრული ინფორმაციის მისაღებად უზბეკეთის ბაზარზე არსებული სტრატეგიული უპირატესობების შესახებ. უზბეკეთი მზადაა უზრუნველყოს მნიშვნელოვანი რესურსები და გამოცდილი სამუშაო ძალა იმ ქართული ბიზნესებისთვის, რომლებიც დივერსიფიცირებას და აუთსორსინგის ოპერაციების გაძლიერებას გეგმავენ. გთავაზობთ, ინტერვიუს თბილისში ამ ღონისძიებაზეც სპეციალურად ჩამოსულ ნიკა ქურდიანთან - "თიბისი უზბეკეთის" გენერალურ დირექტორთან და ოლივერ ჰიუზთან - "თიბისი ჯგუფის" საერთაშორისო ბიზნესის ხელმძღვანელთან. ➡️ნიკა ქურდიანი - “თიბისი უზბეკეთი”, გენერალური დირექტორი; ➡️ოლივერ ჰიუზი - "თიბისი ჯგუფი", საერთაშორისო ბიზნესის ხელმძღვანელი; ➡️გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
„ბრიტანულ-ქართული აკადემიის“ დამფუძნებელი პარტნიორი ნათია ჯანაშია სს „საქართველოს კაპიტალთან“ 2019 წელს გაფორმებული საინვესტიციო ხელშეკრულებიდან გადის. ასეთი გადაწყვეტილების მიღების მიზეზად აკადემიის პარტნიორი და დირექტორი, ნათია ჯანაშია ინვესტორის მხრიდან ხელშეკრულებით ნაკისრი ვალდებულებების შეუსრულებლობას ასახელებს. კერძოდ, 2019 წლის 30 მაისს დადებული ხელშეკრულებით შპს „ბრიტანულ-ქართული აკადემიის“ პარტნიორი ნათია ჯანაშია და სს „საქართველოს კაპიტალი“ შეთანხმდნენ კომპანიის წილის 70%-ის ნასყიდობაზე, ხოლო, სანაცვლოდ სააქციო საზოგადოებას, მხარეებს შორის 2019 წლის 6 მაისს დადებული მემორანდუმის თანახმად, ინვესტიციები უნდა ჩაედო ბრიტანულ-ქართული აკადემიისთვის ორი ახალი კამპუსის მშენებლობაში ლისზე და ოქროყანაში. ორივე კამპუსი, ჯამში, 2 600 მოსწავლეზე უნდა ყოფილიყო გათვლილი. აწ უკვე ყოფილ პარტნიორებს შორის ურთიერთობები იმგვარად დაიძაბა, რომ საქმიანი ურთიერთობების განხილვამ სასამართლოში გადაინაცვლა. ➡️ნათია ჯანაშია - "ბრიტანულ ქართული აკადემია", პარტნიორი & დირექტორი; ➡️თეა ხამხაძე - ნათია ჯანაშიას ადვოკატი; ➡️გიორგი ისაკაძე - BMG, გენერალური პროდიუსერი; #ახალიამბები #BusinessMediaGeorgia
ამ დროისთვის, ლარის გაუფასურების შეჩერება და რუსული კანონის მიღება ქვეყანასა და გადასახადის გადამხდელებს 108 მლნ დოლარამდე დაუჯდათ, კვირის ბოლოს, ლარმა დაახლოებით 7 თეთრიანი გაუფასურება დადო კვირეულის ჭრილში დოლართან მიმართებით, ეს იმ ფონზე რომ ეროვნულმა ბანკმა გასაყიდად 60 მილიონი დოლარი გამოიტანა, აღნიშნული თანხიდან კი ბაზარმა 48.7 მილიონი დოლარი აითვისა. რაც შეეხება, ლონდონის საფონდო ბირჟას და იქ რეგისტრირებულ ქართულ კომპანიებს, ეს კვირეულიც მძიმე გამოდგა შედეგობრივად მათთვის. ეს სამი კომპანია ჯერჯერობით ვერ ახერხებს არათუ დაკარგული პოზიციების და აქციების ღირებულების აღდგენას, არამედ ზრდის ტრენდზე დაბრუნებას. "საქართველოს ბანკის" (BGEO) აქციების ფასი 7.60%-ით შემცირდა და ამჟამად ერთი აქციის ღირებულება 37.10 გირვანქა სტერლინგს შეადგენს. კომპანიის საბაზრო კაპიტალიზაცია ამჟამად 1.82 მილიარდ სტერლინგს აღწევს. ბოლო 6 თვეში კომპანიის აქციები 11.24%-ით გაიზარდა. TBC PLC-ის აქციების ღირებულება ერთკვირიან ჭრილში 4.14%-ით შემცირდა. ბანკის ერთი აქცია 25.50 გირვანქა სტერლინგი ღირს. კომპანიის საბაზრო კაპიტალიზაცია ამჟამად 1.40 მილიარდ გირვანქა სტერლინგს შეადგენს. ბოლო 6 თვეში კომპანიის აქციები 6.59%-ით შემცირდა. "საქართველოს კაპიტალის” (CGEO) აქციების ღირებულება 5%-ით შემცირდა, შედეგად ერთი აქციის ფასი 9.50 გირვანქა სტერლინგი გახდა. შედეგად, კომპანიის საბაზრო კაპიტალიზაცია ამჟამად 442 მილიონ გირვანქა სტერლინგს შეადგენს. ბოლო 6 თვეში კომპანიის აქციები 7.47%-ით გაიზარდა. #ახალიამბები #BusinessMediaGeorgia
ვიცე პრემიერმა და ეკონომიკის მინისტრმა მოსალოდნელად, ჩინური კომპანია დაასახელა გამარჯვებულად, ვინც საქართველოს მთავრობასთან პარტნიორობაში ანაკლიას პორტს ააშენებს. ანაკლიის ღრმაწყლოვანი პორტის ინვესტორის საერთაშორისო კონკურსში გამარჯვებულად ჩინური კონსორციუმი China Communications Construction Company Limited-ი (CCCC) გამოვლინდება, რომელმაც სახელმწიფოს საბოლოო საინვესტიციო წინადადებას წარუდგინა. კომპანია ჩინეთის ერთ-ერთი უმსხვილესი სახელმწიფო კონგლომერატია. 2020 წელს აშშ-ის კომერციის დეპარტამენტმა ეს კომპანიაც და მისი რამდენიმე შვილობილი სამხრეთ ჩინეთის ზღვაში ჩინეთის თავდაცვის ძალების სასარგებლოდ ხელოვნური კუნძულების მშენებლობის პროცესში ჩართულობის გამო, სპეციალურ სიაში შეიყვანა და ამერიკულ კომპანიებს ნებართვის მოპოვების გარეშე მასთან გარიგებებსა და ოპერაციებში შესვლა შეუზღუდა. #ახალიამბები #BusinessMediaGeorgia
გასულ კვირაში საქართველოს მეათე მოწვევის პარლამენტმა რუსულ კანონზე პრეზიდენტის ვეტოს დაძლევით, ქვეყნის ევროინტეგრაციისა და ევროატლანტიკური ინტეგრაციის საპირისპირო ნაბიჯი გადადგა. 28 მაისს რუსულ კანონს ქართული ოცნების 84-მა დეპუტატმა დაუჭირა მხარი, რის შემდეგაც კანონი პარლამენტის თავმჯდომარის ხელმოწერით შევა ძალაში. საქართველოს პარლამენტმა 29 მაისს დაძლია პრეზიდენტის კიდევ ერთი მოტივირებული შენიშვნები ოფშორული ზონებიდან აქტივების გადმოტანის საგადასახადო შეღავათებთან დაკავშირებით, რომელიც პრეზიდენტის შეფასებით ქვეყანაში ფულის გათეთრებისა და სანქცირებული რუსული აქტივების შემოტანის რისკებს აჩენს. აღნიშნულ კანონს მხარი ქართული ოცნების 83-მა დეპუტატმა დაუჭირა. #ახალიამბები #BusinessMediaGeorgia
დეველოპერული-სამშენებლო კომპანია „ტექტო ჯგუფი“ ქობულეთში ახალი პროექტის მშენებლობას იწყებს. კომპლექსი Tekto Landmark პრემიუმ კლასის საცხოვრებელ და საინვესტიციო კომპლექსს წარმოადგენს, რომელიც აღმაშენებლის N 303-ში შენდება. პროექტის ჯამური ბიუჯეტი 28$ მლნ-ია . როგორც კომპანიაში აცხადებენ, კომპლექსი ერთ სივრცეში გააერთიანებს: სპას, საუნას, აუზს, სპორტულ მოედნებს, ფიტნეს კლუბს და რესტორანს ტერასაზე, გადაადგილებისთვის კი დაგეგმილია იახტკლუბის მოწყობა. ახალი პროექტების დაწყებასთან ერთად "ტექტო ჯგუფმა" ცოტა ხნის წინ წარმომადგენლობა გახსნა აშშ-სა და კვიპროსში. სტუმრები:⤵️
საქართველოს დამოუკიდებლობის ხელახალი აღდგენიდან 33 წლისთავზე, მსურს გისურვოთ ერთადერთი, რომ საქართველოს არასოდეს თავის ისტორიაში არ ჰყავდეს ისეთი დაბალი კლასის პოლიტიკური ელიტა და წარმომადგენლები, რაც დღეს ვიხილეთ თავისუფლების მოედანზე, როცა ქვეყნის პრემიერ-მინისტრი საქართველოს პრეზიდენტს, საჯარო სიტყვით გამოსვლისას, მთელი მსოფლიოს გასაგონად მოღალატეს უწოდებს. საქართველოს არ დაუმსახურებია ამგვარი განვითარება, მაშინ როცა ნებისმიერი წინა მოწვევის პარლამენტი, მათ შორის 20-30 წლის წინათაც, გაცილებით დემოკრატიული, ღია და ანგარიშვალდებული იყო საქართველოს საზოგადოების წინაშე. ჩვენ ყველაფერი ვნახეთ, ჯაბა იოსელიანის ყოფნიდან საქართველოს ოფიციალურ დელეგაციაში გაეროში, დასრულებული საქართველოს პრეზიდენტის დაღუპვით სამეგრელოს სოფელში მიმალვისას. ვნახეთ სხვა ყველაფერიც. მაგრამ არასდროს აღარ უნდა დავუშვათ ის, რის გამოც დღეს გვრცხვენია საკუთარი თავისა, ჩვენი არჩევანისა და შვილების წინაშე. სხვისი მდაბიო და უკულტურო ქცევის გამო. ეს ჩვენი საქართველო არ არის. და არც არასდროს იქნება. #ახალიამბები #BusinessMediaGeorgia
საინტერესოა, ამბავი ძველ თბილისში ქართული წიგნის მაღაზიის გახსნისა, მაღაზიისა, რომელიც რუსიფიკაციის აქტიური ტემპების გათვალისწინებით, ქართველებისთვის დიდ შვებად იქცა. ➡️გიორგი ჭეიშვილის საავტორო გადაცემა; #ახალიამბები #BusinessMediaGeorgia
ბრენდირებული უნიფორმებისა და აქსესუარების მწარმოებელ კომპანია "არტეზე" გიყვებით, რომელიც ბაზარზე ორი წლის წინ გამოჩნდა და მალევე, საკმაოდ ბევრი მომხმარებლის მიზიდვა მოახერხა. ამჟამად, "არტეს" მომხმარებლებში საქართველოში არსებული საკმაოდ მსხვილი ბრენდებიც ხვდებიან და მათი რაოდენობა ყოველდღიურად იზრდება. სამომავლო გეგმებიც დიდი და ამბიციური აქვთ და უახლოეს მომავალში საწარმოო ხაზის გაფართოებას გეგმავენ. ➡️ნინო გიგინეიშვილი - "არტე", დამფუძნებელი; #ახალიამბები #BusinessMediaGeorgia
წელს საქართველო უქმე დღეების სიმრავლით გამოირჩევა და ამ მხრივ ევროპაში ლიდერის პოზიციაზეა. მართალია შრომის კოდექსი ქვეყანაში წელიწადში 17 უქმე დღეს განსაზღვრავს, მაგრამ საქართველოს მთავრობის მეთაურს აქვს დისკრეცია, პრემიერ-მინისტრის დადგენილებით წელიწადის სხვადასხვა დღეები უქმედ გამოაცხადოს. არც წლევანდელი წელი იყო გამონაკლისი და მსგავსი გადაწყვეტილებები ჯერ იანვარში, შემდეგ კი მაისში ვიხილეთ. ეკონომისტები თვლიან, რომ საქართველოს ეკონომიკური მდგომარეობის გათვალისწინებით, ქვეყანას უქმე დღეების ზრდის ფუფუნება არ აქვს. მათი შეფასებით, ბევრი უქმე დღე ქვეყნის ეკონომიკაზე უარყოფითად აისახება. ბიზნესის წარმომადგენლები კი აცხადებენ, რომ მსგავსი გადაწყვეტილებები კერძო სექტორში დასაქმებულებს საჯარო სტრუქტურებში დასაქმებულებისგან განსხვავებით უთანასწორო პირობებში აყენებს. #ახალიამბები #BusinessMediaGeorgia
უხვმა ნალექმა მცხეთა-მთიანეთის რეგიონის მასშტაბით პრობლემები შექმნა. მცხეთა-მთიანეთის მხარის სახელმწიფო რწმუნებულის ადმინისტრაციის ინფორმაციით, სტიქიურმა პროცესებმა მნიშვნელოვნად დააზარალა წეროვანის დევნილთა დასახლება, თიანეთისა და დუშეთის მუნიციპალიტეტების ადმინისტრაციული ერთეულები და მცხეთის მუნიციპალიტეტის სხვა სოფლები. მცხეთის მერიის ინფორმაციით კი, წყალდიდობამ პრობლემები შექმნა ცხვარიჭამიის, ლისის, ძეგვის, ნიჩბისის, ძალისის წეროვანისა და ნავდარაანთკარის ადმინისტრაციული ერთეულების სოფლებში. ქვემო ქართლში სახელმწიფო რწმუნებულის, გიორგი დოხტურიშვილის ინფორმაციით, უხვი ნალექის შედეგად 15-ზე მეტი სოფელი არის გარე სამყაროს მოწყვეტილი. #ახალიამბები #BusinessMediaGeorgia
საინტერესოა, ვინ არიან დონერები და ინვესტორები, რომლებიც დებენ თანხებს საქართველოს ეკონომიკაში? ვისი სახსრებით და რესურსით ხორციელდება პროექტები. გადავხედოთ ყველაზე დიდი პროექტებს რომელიც ბოლო პერიოდში 10 წლის მანძილზე განხორციელდა საქართველოში. #ახალიამბები #BusinessMediaGeorgia
ბიზნეს საზოგადოებისთვის უმნიშვნელოვანესი და მთელი ქვეყნის ეკონომიკისთვის თამაშის შემცვლელი იქნება ამერიკის შეერთებული შტატების სახელმწიფო მდივნის, ენტონი ბლინკენის 23 მაისის განცხადება, რომ აშშ-მა სავიზო სანქციების რეჟიმი დააწესა ხელისუფლებისა და მმართველი პარტიის წარმომადგენლების, ასევე მათი ოჯახის წევრებისთვის. სანქციები უკავშირდება ხელისუფლების მიერ საქართველოს ევროატლანტიკური გზიდან გადახვევას, დემოკრატიის ძირის გამოთხრას, რუსული კანონის მიღებას, მშვიდობიანი პროტესტის ძალადობრივ ჩახშობასა და მოქალაქეთა დაშინების კამპანიას. სახელმწიფო დეპარტამენტის განმარტებით, მათი სია, ვისაც სავიზო შეზღუდვები დაუწესდა საჯარო არ იქნება. #ახალიამბები #BusinessMediaGeorgia
რეალობა, რეალობა რომელიც ყოველთვის და მუდამ უნდა გვახსოვდეს - სად ვიყავით, რა გამოვიარეთ და რა უნდა გავაკეთოთ რომ გავაგრძელოთ ზრდა. ზრდა რომლის მთავარი მკვებავი იყო არის და იქნება, თავისუფლება, გახსნილი და გამჭვირვალე, განათლებული და აქტიური საზოგადოება, გადანაწილებული და ერთპარტიული ხელისუფლება და კონკურენცია ეკონომიკაში. საინტერესოა, როგორ მოვედით აქამდე და რა გზა გამოვიარეთ, რა შეცდომები დავუშვით და ხომ არ ვართ ისევ, ზღვარზე მორიგი, ფატალურთან მიახლოებული შეცდომის დაშვებისა?. #ახალიამბები #BusinessMediaGeorgia
რეალობა, რეალობა რომელიც ყოველთვის და მუდამ უნდა გვახსოვდეს - სად ვიყავით, რა გამოვიარეთ და რა უნდა გავაკეთოთ რომ გავაგრძელოთ ზრდა. ზრდა რომლის მთავარი მკვებავი იყო არის და იქნება, თავისუფლება, გახსნილი და გამჭვირვალე, განათლებული და აქტიური საზოგადოება, გადანაწილებული და ერთპარტიული ხელისუფლება და კონკურენცია ეკონომიკაში. საინტერესოა, როგორ მოვედით აქამდე და რა გზა გამოვიარეთ, რა შეცდომები დავუშვით და ხომ არ ვართ ისევ, ზღვარზე მორიგი, ფატალურთან მიახლოებული შეცდომის დაშვებისა?. #ახალიამბები #BusinessMediaGeorgia
რეალობა, რომელიც ყოველთვის და მუდამ უნდა გვახსოვდეს - სად ვიყავით, რა გამოვიარეთ და რა უნდა გავაკეთოთ რომ გავაგრძელოთ ზრდა. ზრდა, რომლის მთავარი მკვებავი იყო არის და იქნება, თავისუფლება, გახსნილი და გამჭვირვალე, განათლებული და აქტიური საზოგადოება, გადანაწილებული და ერთპარტიული ხელისუფლება და კონკურენცია ეკონომიკაში. #ახალიამბები #BusinessMediaGeorgia
#ბიზნესისკვირეული - გიორგი ისაკაძის პროლოგი / 26.05.2024 #ახალიამბები #BusinessMediaGeorgia
ხშირად მომხმარებლები სასურველი ბინის შერჩევა-ყიდვის პროცესში ბროკერის თუ რეალტორის მომსახურებას იღებენ, თუმცა ხელშეკრულების გაფორმება მხარეებს შორის მათი გვერდის ავლით ხორციელდება. ბოლო სასამართლო პრაქტიკა აჩვენებს, რომ ურჩი გადამხდელების წინააღმდეგ დავებს საბროკერო კომპანიები იგებენ და ერთ-ერთი ასეთი Baia's Homes, რომელმაც სასამართლო დავა OK&CG;-ს დახმარებით ცოტა ხნის წინ დაასრულა. სტუმრები: ბაია ტუგულაშვილი - Baia's Homes დამფუძნებელი; ოთარ კაჭკაჭაშვილი - კომპანია OK&CG; დამფუძნებელი #ახალიამბები #BusinessMediaGeorgia
საქართველოში ავეჯის წარმოების ინდუსტრია ყოველწლიურად იზრდება. თუმცა, წარმოების მზარდი მაჩვენებლების მიუხედავად, ქვეყანა მაინც იმპორტ დამოკიდებულია როგორც ნედლეულზე, ასევე მზა ავეჯზე. ერთ-ერთი ქართული ბრენდია „ლაზიერი,“ რომელიც 2013 წლიდან ინდივიდუალურ მოთხოვნებზე მორგებულ ავეჯს ქმნის როგორც კორპორატიული კლიენტებისთვის, ასევე ფიზიკური პირებისთვის. ევროპული სტანდარტების შესაბამისი საწარმო შეიქმნა წამყვანი გერმანული საკონსულტაციო კომპანიის LIGNUM CONSULTING-ის ექსპერტებთან თანამშრომლობით და აღიჭურვა უახლესი იტალიური, გერმანული და ესპანური დანადგარებით. უნდა აღინიშნოს რომ საწარმო განლაგებულია 3,500 მ²-ზე და 80 მაღალკვალიფიციურ ადგილობრივ კადრს ასაქმებს. Mosaics-ის ისტორია კი 2021 წლიდან იწყება. კომპანიის დაარსების ძირითად მიზანს წარმოადგენდა მულტიბრენდული სარემონტო – მოსაპირკეთებელი მასალების შოურუმის შექმნა, რომელიც მომხმარებლისთვის ხელმისაწვდომს გახდიდა განსხვავებულ, თანამედროვე, მაღალი ხარისხის მქონე, ექსკლუზიურ ევროპულ ბრენდებს. Mosaics-მა მომხმარებლისთვის ხელმისაწვდომი გახადა სხვადასხვა სახეობის 20-მდე ბრენდი, რომლებსაც მსოფლიოში წამყვანი ადგილები უჭირავთ. სტუმრები: ავთო ჯანგავაძე - “ლაზიერის” დამფუძნებელი; ირაკლი შამელაშვილი - "მოზაიკსის" დირექტორი; #ახალიამბები #BusinessMediaGeorgia
„ამ კანონის გაუმჯობესება შეუძლებელია. კანონი მთელი თავისი შინაარსით არის არაკონსტიტუციური – მაშასადამე, არაქართული, არაევროპული და არადემოკრატიული. ამდენად, ის გაუმჯობესებას მასში ცვლილებების შეტანის გზით არ ექვემდებარება. მისი არსი, შინაარსი და პრინციპები მიუღებელია. შესაბამისად, კანონის გაუქმება არის უალტერნატივო და წარმოადგენს ხალხის ნებას. ყოველივე ზემოთ აღნიშნულის გათვალისწინებით, გთავაზობთ კანონი გაუქმდეს უმოკლეს ვადაში – ამოქმედებიდან მომდევნო დღესვე“, – ნათქვამია პრეზიდენტის მოტივირებულ შენიშვნებში. #ახალიამბები #BusinessMediaGeorgia
ძველ თბილისში, აღმოსავლეთისა და დასავლეთის გასაყარზე მდებარე ქალაქში, ხელობის ქონას კაცისთვის დიდი მნიშვნელობა ჰქონდა, იმდენად, რამდენადაც, გარკვეულწილად, ძველი თბილისი იყო კიდეც ხელოსნებისა და ხელოსნობის ქალაქი, მითუმეტეს, რომ ყველას როდი მოსდგამდა მემკვიდრეობით გვარიშვილობა და მამულები, ანუ ცხოვრების სახსარი… თბილისს ჰყავდა გამორჩეული მედუქნეები, მუსიკოსები, ბუკინისტები, მეთევზეები, თერძები თუ სხვა ხელობის წარმომადგენლები. ➡️გიორგი ჭეიშვილის საავტორო გადაცემა; #ახალიამბები #BusinessMediaGeorgia
"რომა ჯელატო" ნაყინის მწარმოებელი ქართული ბრენდია, რომელიც მომხმარებელს მრავალფეროვან, სასარგებლო, გემრიელ ნაყინს სთავაზობს. "რომა ჯელატო" - ანუ ნაყინი რომიდან პირველად ბაზარზე 2008 წელს გამოჩნდა, კომპანიის მთავარი ამოცანა კი საქართველოში კლასიკური იტალიური ნაყინის წარმოების გახსნა იყო. ბევრი შრომის შედეგად, რომა ჯელატო დღეს არამარტო სანაყინეა, არამედ საწარმო, რომელიც საკუთარ ობიექტებთან ერთად, სხვა კომპანიებსაც აწვდის ნაყინს. რომა ჯელატოს არ გააჩნია სეზონურობა, პროდუქტი წლის ნებისმიერ პერიოდში ხელმისაწვდომია. შეიძლება ითქვას, რომ 16 წლის წინ ჩაფიქრებულმა იდეამ გაამართლა და დღეს უკვე ბრენდს უამრავი კმაყოფილი მომხმარებელი ჰყავს. თამუნა უდესიანი - “რომა ჯელატო”, დამფუძნებელი; #ახალიამბები #BusinessMediaGeorgia
წლის დასაწყისში, დემოკრატიის ინდექსი - საქართველომ საზოგადოებას საქართველოს საერთო სასამართლოებში საქმეების განხილვის გაჭიანურების გამომწვევი მიზეზების შესახებ კვლევის შედეგები და რეკომენდაციები წარადგინა. კვლევის პროცესი მოიცავდა ინტერვიუს 30-ზე მეტ პრაქტიკოსთან. გამოიკითხა 200-მდე რესპონდენტი, მათ შორის მოსამართლეები, ადვოკატები, არბიტრები, საჯარო უწყებების იურისტები. შესწავლილ იქნა არსებული ნორმატიული რეგულაციები და გაჭიანურებული საქმეები. ეკა ციმაკურიძე - “დემოკრატიის ინდექსი საქართველო”, თავმჯდომარე; #ახალიამბები #BusinessMediaGeorgia
ამ კვირის გამორჩეული თემა მსოფლიო ეკონომიკისთვის იყო რუსეთის პრეზიდენტის ვლადიმერ პუტინის ვიზიტი ჩინეთში, რაც პუტინის პირველი საერთაშორისო ვიზიტია მორიგი გაპრეზიდენტების შემდეგ. ვიზიტისადმი ინტერესს გადაჭარბების გარეშე აძლიერებდა ფაქტორი, რომ უპრეცედენტო იზოლაციის პირობებში რუსეთის ეკონომიკა სულ მეტად ხდება დამოკიდებული ჩინეთზე და აზიის ბაზრებზე. #ახალიამბები #BusinessMediaGeorgia
რატომ არის კერძო დავა სახელმწიფო პოლიტიკის ნაწილი? გასული კვირის კიდევ ერთი მნიშვნელოვანი თემა - ბიძინა ივანიშვილის დავა შვეიცარიულ ბანკთან, "კრედიტ სუზისთან". ბიძინა ივანიშვილი კი არის, საქართველოს უმდიდრესი ადამიანი, თავის დროზე ფილანთროპიც და სხვა უამრავი სოციალური სტატუსის მატარებელიც, თუმცა ბოლო 12 წელიწადია, მისი გამორჩეული სტატუსია - საქართველოს სახელმწიფოს ერთპიროვნული და უპირობო მმართველი. მიღმა იმისა, რომ ამ კვირეულში მოვისმინეთ რამდენიმე სრულიად სამარცხვინო გზავნილი მისი გუნდის წევრებისგან შეთქმულების თეორიებისა და მასონთან ლოჟის ბატონობაზე საქართველოში, ფაქტია, რომ ივანიშვილმა არათუ სრულად მოახვია თავს გუნდის წევრებს კონსპირაციების თეორია 21-ე საუკუნეში, არამედ ბოლო 3 წელიწადია თავისი პირადი დავა აიყვანა სახელმწიფო დონეზე და აქცია ის სახელმწიფო ჩინოვნიკების, დიპლომატიის, ოფიციალური კორესპონდენციის სახელმწიფო პროტოკოლის ანუ შეხვედრების ნაწილად. #ახალიამბები #BusinessMediaGeorgia
ამ ყველაფრის ფონზე, ცხადია რეაგირებს ბიზნესიც. საუბარია, მკვეთრად გაუარესებული საინვესტიციო განწყობებზე, დაპაუზებულ საინვესტიციო პროექტებზე, კომუნიკაციის არ არსებობაზე დაპირისპირებული აზრის მქონე მხარეებს შორის. თუმცა, ხელისუფლებამ რუსული ტრადიციების საუკეთესო კალკირებით, მხოლოდ ახლა შეუთვალა ახალგაზრდებს. #ახალიამბები #BusinessMediaGeorgia
საქართველოს პარლამენტის მიერ რუსული კანონისთვის მხარდაჭერის შემდეგ, ლონდონის საფონდო ბირჟაზე დალისტული ქართული კომპანიების აქციების ფასი შემცირდა, რაც ინვესტორთა მხრიდან საქართველოს ეკონომიკასთან და ევროინტეგრაციის ტრაექტორიასთან მიმართებით გაუარესებულ მოლოდინებს უკავშირდებოდა. მართალია კვირის ბოლოს აქციებმა გარკვეულწილად ზრდა აჩვენა, თუმცა ერთკვირიან ჭრილში მათი ღირებულება საგრძნობლად არის შემცირებული. #ახალიამბები #BusinessMediaGeorgia
14 მაისს, რუსული კანონის მესამე მოსმენით მიღების შემდეგ ლარის გაცვლითმა კურსმა კორექცია დაიწყო. 15 მაისს დოლარის ღირებულება 2.68 ლარიდან 2.73 ლარამდე გაიზარდა, ხოლო უკვე საღამოს დოლარის კურსმა Bloomberg-ის სისტემაში ჯერ 2.80 ლარს, შემდეგ კი 2.82 ლარს მიაღწია. 16 მაისს კი საქართველოს ეროვნულმა ბანკმა 2024 წლის პირველი სავალუტო ინტერვენცია განახორციელა და 60 მილიონი დოლარი გაყიდა. აღნიშნული ინტერვენციის შედეგად, Bloomberg-ის სისტემაში ერთი დოლარის ღირებულება, რომელიც იქამდე 2.81 ლარს აჭარბებდა, 2.76 ლარამდე შემცირდა. ეროვნული ბანკის განმარტებით, მათ მიერ ინტერვენციის განხორციელება შექმნილი აჟიოტაჟური მოთხოვნის საპასუხოდ მოხდა, სებ-ის ინფორმაციით, აღნიშნულ პროცესს ერთჯერადი მსხვილი ტრანზაქციებიც სდევდა თან, რამაც გაცვლით კურსზე გაუფასურების მიმართულებით შექმნა ზეწოლა. #ახალიამბები #BusinessMediaGeorgia
#ბიზნესისკვირეული - გიორგი ისაკაძის პროლოგი / 19.05.2024 #ახალიამბები #BusinessMediaGeorgia
რუსული კანონიდან, სხვა გადაწყვეტილებებიდან, მოქალაქეების დაპატიმრება ცემა-ტყეპიდან მომდინარე პროცესები საქართველოში დუღილის ფინალურ ფაზაში გადასვლას უახლოვდება. მმართველი პარტიის მხარდამჭერები და წევრები გარინდულნი არიან. ელიან, როგორ ჩაატარებს მორიგ პოლიტიკურ ექსპერიმენტს, რეალობაში კი როგორ ივაჭრებს სათავისოდ პოლიტიკური პარტია ქართული ოცნების საპატიო თავმჯდომარე. #ახალიამბები #BusinessMediaGeorgia
ვინც გორგასლის ძეგლი ქართული ეროვნული დროშით შეამკო გურამ დავითის ძე ხუციშვილია, "31 წლის შემდეგ,სალამი დათო ხუციშვილო. შენს სულს და ხსოვნას ვენაცვალე მეგობარო. ნახე,შენი შვილი შენს მსგავსად,სიმართლის მხარესაა და ლამაზად დაცოცავს სიმაღლეზე." წერს ბესიკ საბაშვილი, #ახალიამბები #BusinessMediaGeorgia
"დონა" დიდი ხანია ბათუმელების სიყვარულს თუ ერთგულებას გასცდა და ბრენდი საქართველოს ყველა მოქალაქის გამორჩეულად მოსანახულებელ ადგილად იქცა. ოჯახური ბიზნესი წლებთან ერთად გაფართოვდა, და "დონას" მესვეურები უკვე მესამე ფილიალსაც ხსნიან, დასაქმებულების რაოდენობა კი 200-ს გადასცდა ➡️თამილა ბეჟანიძე - "დონა", ხელმძღვანელი; #ახალიამბები #BusinessMediaGeorgia
მე-19 საუკუნის თბილისში, ქალაქში, სადაც საერო თუ სასულიერო დღესასწაულებისთვის განსაკუთრებით ემზადებოდნენ, აღდგომას გამორჩეულად აღნიშნავდნენ. „თფილისი, ტფილისი, თბილისის“ დღევანდელ სერიაში იმ საყოველთაო ფუსფუსისა და მოძრაობის შესახებ გიამბობთ, რაც ქალაქში სუფევდა სწორედ მაშინ, როდესაც ტფილისელები აღდგომის დღესასწაულის შესახვედრად ემზადებოდნენ. ➡️გიორგი ჭეიშვილის საავტორო გადაცემა; #ახალიამბები #BusinessMediaGeorgia
ახლა მოგიყვებით საქმიან ისტორიას, ქალზე, რომელიც პროფესიულ წარმატებასთან ერთად, არაორდინარული იდეების და პროექტების ავტორიც გახლავთ. საუბარია თეა ადუაშვილზე, ფინანსისტზე, რომელიც საქართველოს ქალ აუდიტორთა და იურისტთა ასოციაციის თანადამფუძნებელი და პრეზიდენტია, ამასთან საქართველოს აუდიტორული კომპანიის თანადამფუძნებელი და დირექტორი, მისი საქმიანობის მთავარი მიმართულება ქალთა პროფესიული გაძლიერება და ქალი მეწარმეების ხელშეწყობაა. #ახალიამბები #BusinessMediaGeorgia
საქსტატმა სააღდგომო პასკის ძირითადი ინგრედიენტების ფასის გამოკვლევის შედეგები გამოაქვეყნა, რომლის თანახმადაც მთლიანობაში პასკის ინგრედიენტების საფასური წინა წელთან შედარებით დაახლოებით 2%-ის ფარგლებშია შემცირებული. #ახალიამბები #BusinessMediaGeorgia
Factory Tbilisi-ში "კულტურის კვირეული" ჩატარდა. ეს არის რეგიონში ყველაზე მასშტაბური საერთაშორისო სახელოვნებო ღონისძიება, რომელიც ადგილობრივ და უცხოელ ხელოვანებს, 50-მდე საერთაშორისო სტუმარს, ადგილობრივ და საერთაშორისო მედიას აერთიანებს. აქ წარმოდგენილი იყო, როგორც გამოფენები, ისე კინოჩვენებები, კონცერტები და სხვა მრავალფეროვანი პროგრამები. მთავარი მიზანი კი ქართველი ხელოვანების პოპულარიზაციაა. “თბილისის კულტურის კვირეულის“ წლევანდელი სეზონი მიეძღვნა ევროპის დღეებს და მიზნად ქართული ისტორიის და ხელოვნების საერთაშორისო ცნობადობის ამაღლებას ისახავდა. კულტურის კვირეული 9-ში დაიწყო, დღეს სრულდება #ახალიამბები #BusinessMediaGeorgia
საქართველოში ელექტრომობილების იმპორტი იზრდება. გასულ წელს ქვეყანაში 1,914 ელექტრომობილი დარეგისტრირდა, რაც 2022 წელთან შედარებით 95%-ით მეტია. მთლიანობაში, საქართველოში ამ დროისთვის 6 000-ზე მეტი ელექტრომობილია რეგისტრირებული. რაოდენობის ზრდა გლობალურად ამ კატეგორიის ავტომობილებზე ფასების შემცირებას უკავშირდება. ავტოიმპორტიორები აცხადებენ, რომ ბოლო წლებში ელექტრომობილებზე დაფიქსირებული მზარდი მოთხოვნის მიუხედავად, მსოფლიო მასშტაბით არსებულ სიტუაციას თუ შევადარებთ, საქართველოში გაყიდვების მაჩვენებელი მაინც საკმაოდ დაბალია. სფეროს სპეციალისტები ელექტრომობილების მეტად პოპულარიზაციისთვის სახელმწიფოს მხრიდან დამატებით წამახალისებელი ღონისძიებების გატარების აუცილებლობას ხედავენ. #ახალიამბები #BusinessMediaGeorgia
ტაქსის გამოძახების მსოფლიოს ერთ-ერთი უდიდესი პლატფორმა, ამერიკული Uber-ი საქართველოს ბაზარზე შემოდის. თუმცა, ამერიკული ბრენდი საქართველოში ოპერირებას Yandex-ის ტაქსების გამოძახების სერვისის ბაზაზე იწყებს. #ახალიამბები #BusinessMediaGeorgia
საქართველოს პრემიერ-მინისტრი ირაკლი კობახიძე ბიზნესის წარმომადგენლებს შეხვდა. ოფიციალური სამთავრობო რელიზებით, შეხვედრაზე ქვეყანაში არსებული ეკონომიკური და პოლიტიკური ვითარება განიხილეს.საუბარი შეეხო ბიზნესისთვის აქტუალურ საკითხებსა და ეკონომიკური ზრდის მაჩვენებლებს. პრემიერმა ხაზი გაუსვა მშვიდობისა და სტაბილურობის მნიშვნელობას ბიზნესის განვითარებისთვის. პრემიერ-მინისტრისა და ბიზნესის შეხვედრა გაფართოებულ ფორმატში კითხვა-პასუხის რეჟიმში წარიმართა. შეხვედრას ბიზნესის სხვადასხვა სფეროს 80-მდე წარმომადგენელი ესწრებოდა. #ახალიამბები #BusinessMediaGeorgia
გადავწყვიტეთ ხელოვნურ ინტელექტს დავეკითხოთ "რუსულ კანონზე" და სწორედ AI-სა და ChatGPT - ის, ასევე სხვა უახლეს ტექნოლოგიებს ვკითხოთ, რამდენად არის კანონპროექტი უცხოური აგენტების შესახებ, დღეს ამ კანონპროექტის სახელი შეცვლილია უცხოური გავლენებით. საინტერესოა, ხელოვნური ინტელექტის აზრით, თუ რატომ არის ეს კანონპროექტი რუსული. #ახალიამბები #BusinessMediaGeorgia
საერთაშორისო სავალუტო ფონდის პროგნოზით, 2024-2029 წლებში ყველაზე სწრაფად მზარდი განვითარებადი ბაზრები გლობალური ეკონომიკური ზრდის გაძლიერებაში უმნიშვნელოვანეს როლს ითამაშებენ, რაც ძირითადად დემოგრაფიული ცვლილებებითა და მომხმარებელთა კლასის ზრდით იქნება განპირობებული. ამავე დროს, ნავარაუდევია ისიც, რომ არაერთი პატარა ქვეყნის ეკონომიკა, ბუნებრივი რესურსებით მდიდარი საბადოების გამო მომდევნო 5 წლის განმავლობაში გაორმაგდება. #ახალიამბები #BusinessMediaGeorgia
ლარი ძირითად ორ ვალუტასთან დოლართან და ევროსთან ინარჩუნებს კურსს 2,67 ზე დოლართან და ევროსთან 2 ლარსა და 88 თეთრზე. "საქართველოს ბანკის" (BGEO) აქციების ფასი 4.55%-ით გაიზარდა და ამჟამად ერთი აქციის ღირებულება 49.40 გირვანქა სტერლინგს შეადგენს. კომპანიის საბაზრო კაპიტალიზაცია ამჟამად 2.42 მილიარდ სტერლინგს აღწევს. ბოლო 6 თვეში კომპანიის აქციები 39.7%-ით გაიზარდა. TBC PLC-ის აქციების ღირებულება ერთკვირიან ჭრილში 0.17%-ით გაიზარდა. ბანკის ერთი აქცია 30 გირვანქა სტერლინგი ღირს. კომპანიის საბაზრო კაპიტალიზაცია ამჟამად 1.65 მილიარდ გირვანქა სტერლინგს შეადგენს. ბოლო 6 თვეში კომპანიის აქციები 3%-ით გაიზარდა. "საქართველოს კაპიტალის” (CGEO) აქციების ღირებულება 0.52%-ით გაიზარდა, შედეგად ერთი აქციის ფასი 11.72 გირვანქა სტერლინგი გახდა. შედეგად, კომპანიის საბაზრო კაპიტალიზაცია ამჟამად 543 მილიონ გირვანქა სტერლინგს შეადგენს. ბოლო 6 თვეში კომპანიის აქციები 24%-ით გაიზარდა. #ახალიამბები #BusinessMediaGeorgia
საზოგადოების ყურადღებაც ახლა მიპყრობილია პროცესებისადმი, რომელსაც მმართველმა პარტიამ და მისმა გუნდმა დასაბამი მისცეს 4 აპრილს, როცა მორიგ ჯერზე რეინკარნირეუბლი კანონპროექტის უცხოური გავლენის აგენტების შესახებ ინიცირება გადაწყვიტეს. ამ კანონპროექტს შეუცვალეს სათაური და თან დაადასტურეს, რომ სხვა არც არაფერი იცვლება, და აპირებენ მის ბოლომდე გატანას.ხვალ, დილის 9 საათიდან კანონპროექტის უცხოური გავლენის გამჭვირვალობის შესახებ მესამე მოსმენით განხილვა საქართველოს პარლამენტის იურიდიული კომიტეტის სხდომაზე იგეგმება, #ახალიამბები #BusinessMediaGeorgia