გონორით თუ საობრობთ
თუმცა შემდგე შეაგინა, რასაც მოჰყვა დაპირისპირება. შ.ს.ს. განმარტებით, მძღოლი იყო ნასვამი.
პოლიტიკა
#ახალიამბები ხელისუფლება, რომელმაც ევროინტეგრაციის პროცესი საფრთხის ქვეშ დააყენა, უნდა შეიცვალოს - ამ შეფასებას ოპოზიციაში, ევროპარლამენტარების მიმართვასთან დაკავშირებით აკეთებენ. საქმე საქართველოსთვის კანდიდატის სტატუსის შეჩერების საკითხის განხილვას ეხება. მმართველი გუნდის ოპონენტები აცხადებენ, რომ ხალხი ასევე არ დაუშვებს ვიზალიბერალიზაციის გაუქმებას. შეგახსენებთ, 30-ზე მეტმა ევროპარლამენტარმა ევროკომისიის ვიცე-პრეზიდენტს მიმართა. ისინი ჯოზეფ ბორელს მოუწოდებენ, რომ გამოიჩინოს მტკიცე პოზიცია და მიიღოს ზომები, რაც მკაფიო სიგნალს გაუგზავნის საქართველოს ხელისუფლებას. ღია წერილში ნათქვამია, რომ ე.წ რუსული კანონის ინიცირებით და მომიტინგეების წინააღმდეგ ძალის გამოყენებით , მმართველმა გუნდმა ყველა ზღვარი გადალახა, ამიტომ ევროდეპუტატების ნაწილი სტატუსის შეჩერების საკითხის განხილვას ითხოვს. მოთხოვნებს შორისაა ასევე გადაიხედოს ევროკავშირის მიერ საქართველოს სახელმწიფო ბიუჯეტისა და სამთავრობო პროგრამების დაფინანსება. „შეჩერდეს კანდიდატის სტატუსი და ევროკაშირის მიერ საქართველოს დაფინანსება“ - ევროპარლამენტარების მიმართვა ბორელს „საქართველოს ხელისუფლების მიერ განგრძობადმა არადემოკრატიულმა ქმედებებმა, განსაკუთრებით, კი მათმა აგრესიულობამ, რომ გაიტანონ „რუსული-სტილის“ კანონი უცხოური გავლენის აგენტების შესახებ , გააჩუმონ და გამოიყენონ ძალა მშვიდობიანი დემონსტრატების წინააღმდეგ ყველა ზღვარი გადაკვეთა. ასეთმა ქცევამ კიდევ უფრო გაიზარდა დაძაბულობა და პოლარიზაცია ქართულ პოლიტიკასა და საზოგადოებაში, რაც ეწინააღმდეგება ცხრა ნაბიჯს, რომლებიც საქართველოს მთავრობას დაეკისრა , როდესაც ქვეყანას ევროკავშირმა მიანიჭა კანდიდატის სტატუსი და ევროკავშირის იგნორირება აღარ შეიძლება. მოგიწოდებთ დააფიქსიროთ მტკიცე პოზიცია და მიიღოთ შემდეგი ზომები, რომელიც იქნება მკაფიო სიგნალი საქართველოს მთავრობის მაღალჩინოსნებისთვის. პირველი, საქართველოს ხელისუფლებისა და მმართველი პარტიის „ქართული ოცნების“ ქცევაა ეწინააღმდეგება ევროკავშირის კანდიდატი ქვეყნის ვალდებულებებს. საქართველოს კანდიდატის სტატუსი უნდა შეჩერდეს , გაწევრიანების პროცესში შემდგომი პროგრესის გარეშე. უნდა გადაიხედოს ევროკავშირის მიერ
#ახალიამბები ხელისუფლებამ კრიტიკულად განწყობილ მედიებს უკვე დიდი ხანია ომი გამოუცხადა. წლების განმავლობაში ეს საჯარო ინფორმაციების გაუცემლობით, ინტერვიუებზე უარის თქმით, პარლამენტში აკრედიტაციის შეზღუდვით თუ სიტყვიერი შეურაცხყოფით გამოიხატებოდა. ხელშეშლის ყველაზე ნათელი სურათი მაინც აქციების გაშუქების დროს ჩანს. ე. წ. რუსული კანონის წინააღმდეგ გამართული პროტესტზე არაერთ ჟურნალისტსა და ოპერატორს სამართალდამცავების მხრიდან ხელი შეეშალა პროფესიულ საქმიანობაში, რამდენიმე მათგანი კი დაშავდა. რა პირობებში მუშაობენ აგენტების კანონის საწინააღმდეგო აქციებზე მედიის წარმომადგენლები? ნაირა ქობულაძე გიამბობთ ალექსანდრე თეშელაშვილი „პუბლიკას“ რეპორტიორია. ამბობს, რომ აქციების გაშუქება ბოლო წლების განმავლობაში განსაკუთრებით გართულებულია. ამის მიზეზად ჟურნალისტი სამართალდამცველების მხრიდან გამოხატულ აგრესიას ასახელებს. მიაჩნია, რომ ასეთ პირობებში დამატებით ტექნიკაზე უწევთ ზრუნვა, რის გამოც მასალების სირღმისეულად გაშუქებაში ხელი ეშლებათ. ალექსანდრე თვლის, რომ მსგავსი ტიპის ძალადობა მაღალი თანამდებობის პირების მიერაა წახალისებული. აქციებს ერთი კვირის განმავლობაში აშუქებდა „ბათუმელების“ ჟურნალისტი ჯაბა ანანიძე. ამბობს, რომ მომიტინგეების წინააღმდეგ სპეციალურ საშუალებებს იყენებენ და ძალადობენ, ამ დროს კი არც მედიის წარმომადგენლებს ითვალისწინებენ. ჯაბა ანანიძე ერთ-ერთ მთავარ პრობლემად ყველაზე დაძაბულ სიტუაციაში მობილური ტელეფონის სიგნალის ჩახშობას ასახელებს, რაც ლაივში მუშაობის საშუალებას უზღუდავდა. სამართალდამცველების მხრიდან მედიის წარმომადგენლებზე ზეწოლასა და ხელისშეშლაზე საუბრობს „მთავარი არხის“ რეპორტიორი. ირაკლი ბახტაძე იმ სისასტიკეზე აქცენტრდება, რასაც პოლიციელები ჟურნალისტების მიმართ იჩენენ. სირთულეებზე ყვებიან ტელეკომპანია „ფორმულას“ ჟურნალისტებიც დაზარალებული ჟურნალისტების ინტერესებს მედიამბუდსმენი იცავს. ორგანიზაციამ 2024 წელს პროტესტის გაშუქებისას მედიის წარმომადგენლებზე თავდასხმის 14 შემთხვევის შესახებ შეატყობინა სპეციალურ საგამოეძიებო სამსახურს და სწრაფი გამოძიებისკენ მოუწოდა. ამ ეტაპზე ამ საქმეებზე გამოძიება მხოლოდ სისხლის სამართლის კოდექსით განსაზღვრული სამსახუ
#ახალიამბები „ენერგიას, რომელიც შემოდგომისთვის უნდა დაეგროვებინათ, ახლა ისინი ქუჩაში ნაადრევად ანიავებენ“ - მოქალაქეების დაღლის იმედით ბიძინა ივანიშვილმა, ოქტომბერში გამარჯვება დააანონსა. ყოფილი პრემიერის შეფასებით, მიმდინარე პროცესები, სწორ დროს შერჩეული, სწორი პოლიტიკაა. დასუსტდება თუარა მომიტინგეთა შემართება და გამოაცლის თუ არა, კანონპროექტის გაპროტესტება მათ, ძალას? აქციის მონაწილეები ამბობენ, რომ რიტმი არ დავარდება და მანამ არ დაიღლებიან, ვიდრე საწადელს არ მიაღწევენ "არ დავიშლებით, არ დავიღლებით" - სანამ არ გაიწვევენ ამ კანონს, არსად წასვლას და გაჩუმებას არ ვაპირებთ. ამ განცხადებას, ის ახალგაზრდები აკეთებენ, რომლებიც უკვე ერთი თვეა ე.წ. რუსულ კანონს აპროტესტებენ. ამბობენ, რომ საქართველოს ევროპული მომავლისთვის, ბოლომდე იბრძოლებენ. ანტირუსული აქციის მონაწილეები, ბიძინა ივანიშვილის, მესიჯბოქსს ბრძოლის ენთუზიაზმით ეხმაურებიან. ისინი ყოფილი პრემიერ-მინისტრის პათოსს, რომ მომიტინგეები პროტესტით დაიღლებიან, ასე პასუხობენ: ბათუმისა და თბილისის აქციის მონაწილეები აცხადებენ, რომ ერი, რომელსაც რუსული აგრესია უკვე გამოუცდია, წარსულში დაბრუნებას არ დაუშვებს. „არ დავიღლებით, ვიდრე ქვეყნის ევროპული მომავალი საფრთხეში იქნება“ - ამბობენ მომიტინგეები. ახალგაზრდები თანხმდებიან, რომ თავისუფლებაში გაზრდილი ერი, ამ მონაპოვარს არ დათმობს და ივანიშვილს ოქტომბერში იმაზე უფრო მეტ ენერგიას აჩვენებენ, ვიდრე აქამდე უჩვენებიათ.
#ახალიამბები ბათუმის მერია, მეზღვაურთა საწვრთნელი ცენტრის შენობას და მიმდებარე მიწის ნაკვეთს ყიდის. ეს ქონება საპრივატიზებო ობიექტების ნუსხაშია, რომელიც მერიამ საკრებულოს გასულ სხდომაზე, დააზუსტა. ქონების გაყიდვა, 9 მილიონ ლარად იგეგმება, რომელიც მყიდველმა 12 თვის პერიოდში უნდა დაფაროს. შენობა საზღვაო აკადემიას, ცენტრისთვის, ჰქონდა გადაცემული. სად გადავა ეს ცენტრი შენობის გაყიდვის შემთხვევაში, ჯერჯერობით უცნობია. რატომ იყიდება ან რისი მოწყობა იგეგმება ტერიტორიაზე, ამ და სხვა კითხვებით, საზღავო აკადემიას, ასევე მერიას მივმართეთ თუმცა, კითხვებზე პასუხი ვერ მივიღეთ.
#ახალიამბები დღეს ბრწყინვალე შვიდეულის ორშაბათია. აღდგომის მეორე დღე საფლავთა კურთხევის დღეა. მოქალაქეები მიცვალებულებს იხსენებენ. ტრადიციისამებრ, ადამიანები შეღებილი კვერცხით და პასქებით ოჯახის წევრებისა და ახლობლების საფლავებზე გადიან, რათა უფლის აღდგომა მათაც ახარონ. ორშაბათს საფლავზე გასვლის ტრადიცია ათწლეულების წინ ჩამოყალიბდა.
#ახალიამბები ჩვენს ეთერს არჩილ ბერიძე შემოუერთდება, რომელიც მარშის მონაწილე იყო და აგენტების კანონს აპროტესტებს
#ახალიამბები ასლანი გაიქცა, აჭარა თავისუფალია - მიხეილ სააკაშვილის ეს სიტყვები ისტორიაში 20 წლის წინ შევიდა. ცენტრალურ და ავტონომიურ ხელისუფლებებს შორის დაპირისპირებები, ასლან აბაშიძის რეგიონიდან იძულებით წასვლით დასრულდა. რევოლუციური სამზადისი აჭარაში 2003 წლის ოქტომბერში დაიწყო. როგორ ვითარდებოდა მოვლენები?
#ახალიამბები დღეს გიორგობაა. ამასთან დაკავშირებით ტაძრებში სადღესასწაულო წირვა შესრულდა. წმინდანი, მესამე საუკუნის მეორე ნახევარში, კაბადოკიაში დაიბადა. ქრისტიანებზე დევნის შემდეგ ის იმპერატორს განუდგა. კერპთაყვანისმცემელმა რომის იმპერატორმა წმინდა გიორგის ქრისტეს უარყოფა მოსთხოვა. წმინდანს 303 წელს, 30 წლის ასაკში, თავი მოკვეთეს.ეკლესია გიორგობას წელიწადში ორჯერ, 6 მაისს - წმინდანის აღსრულების დღეს და 23 ნოემბერს - მისი ბორბალზე წამების დღეს აღნიშნავს.
#ახალიამბები „კი ევროპას, არა რუსულ კანონს" - აქცია ბათუმის სახელმწიფო უნივერსიტეტთან ახალგაზრდებმა დღესაც დაგეგმეს. ორგანიზატორი სტუდენტური მოძრაობა "მარტიანელებია“. შეკრებილები აგენტების შესახებ კანონპროექტს აპროტესტებენ. აცხადებენ, რომ დოკუმენტი საფრთხეს უქმნის ქვეყნის ევროინტეგრაციასა და დემოკრატიულ განვითარებას. მოგვიანებით მომიტინგეებმა, მარშით, სამშობლოსთვის თავდადებული გმირების ხსოვნის პატივსაცემად, გმირთა მოედნის მიმართულებით გადაინაცვლეს.
#ახალიამბები დეა ერემაშვილი - შშმ ქალთა ალიანსის აღმასრულებელი დირექტორი
#ახალიამბები 29 აპრილს ქართული ოცნების მიერ ორგანიზებულ კონტრაქციაზე ბიძინა ივანიშვილის საჯაროდ წარმოთქმულმა სიტყვამ რუსთაველის გამზირზე მიმდინარე პროცესები უფრო მასშტაბური გახადა. პოლიციისა და სპეცრაზმის მხრიდან დემონსტრაციულად გამოყენებული უკომპრომისო ძალადობის მიუხედავად, საპროტესტო აქციები არ წყდება. ქუჩაში გამოდიან ახალგაზრდებიც და სხვა თაობის წარმომადგენლებიც. პროცესებს არ ჰყავს ლიდერი. ადამიანები რეგიონებიდან ყოველდღიურად მიემგზავრებიან და უერთდებიან აქციებს. პარალელურად, თითქმის ყველა დიდ ქალაქში პერმანენტული პროტესტი იმართება. რა უთხრა ბიძინა ივანიშვილმა ქართველ ხალხს და რა უპასუხა საზოგადოებამ ყოფილ პრემიერს? საით მიდის პროტესტი? რა აჩვენა ამ დღეებმა და რა გეგმა აქვს ოცნებას უქმე დღეების დაწესებით, ნაირა ქობულაძე ესაუბრა ადგილობრივი ოპოზიციური პარტიების წარმომადგენლებს.
#ახალიამბები რა ხდება ახლა დედაქალაქში? ჩვენს ეთერს დისტანციურად უერთდება ციალა ქათამიძე, მხარდაჭერისა და შესაძლებლობების განვითარების ცენტრის თავმჯდომარე, რომელიც პროტესტს აჭარიდან შეუერთდა.
#ახალიამბები პროტესტს ბათუმიც უერთება. აგენტების კანონის საწინააღმდეგო აქცია სტუდენტებმა დღესაც გამართეს. "კი ევროპას! არა რუსულ კანონს!" - ამ ბანერებით ახალგაზრდები ბათუმის სახელმწიფო უნივერსიტეტთან შეიკრიბნენ. როგორც ისინი აცხადებენ, თბილისში მებრძოლმა თანამოქალაქეებმა ბათუმის მხარდაჭერა უნდა იგრძნონ. აქციის მონაწილეები მოუწოდებენ ყველას, მეგობრებს, ნათესავებს, ოჯახის წევრებს, კურსელებს, კლასელებს, ლექტორ-მასწავლებლებს, კოლეგებს, გამოხატონ პროტესტი და ერთად უთხრან კი საქართველოს განვითარებასა და ჩვენი ქვეყნის ევროპულ მომავალს.
გამოიწერეთ გვერდი
გამოიწერეთ გვერდი