უბედური შემთხვევა თუ მკვლელობა. სენაკში ერთი კვირის წინ დაკარგულ 8 წლის ბიჭს მდინარე ტეხურაში ამ დრომდე ეძებენ.

შინაგან საქმეთა სამინისტროს ინფორმაციით, ბიჭი მდინარის პირას ჯართს აგროვებდა, რა დროსაც წყალში ჩავარდა. მოზარდის ოჯახი კი მკვლელობაზე საუბრობს და მომხდარში მეზობელს ადანაშაულებს.

ვითარება დაიძაბა დღეს ზუგდიდი-თბილისის ცენტრალურ მაგისტრალზე, მდინარე ტეხურას ხიდზე, სადაც მოზარდის ახლობლებმა გზის გადაკეტვა სცადეს და პოლიციას დანაშაულის დრულად გახსნისკენ მოუწოდეს. თუმცა გზის გადაკეტვის საშუალება მათ სამართალდამცველებმა არ მისცეს.

პირი, რომელსაც 8 წლის ბიჭის ახლობლები მკვლელობაში ადანაშაულებენ დაკავებულია. შსს-ს განცხადებით, მის წინააღმდეგ საქმე 129-ე მუხლითაა აღძრული.